POLOMOLOK, SOUTH COTABATO – Tigayon nga nagsungka sa mga otoridad ang isa ka rape convict nga nahilway bangud sa Good Conduct Time Allowance ukon GCTA Law.
Ini ang ginkumpirmar sa Bombo Radyo Koronadal ni Lt Col Marvin Duadua, hepe sang Polomolok PNP sa interbyu sang Bombo Radyo Koronadal.
Suno kay Duadua, nagsungka si Jose Noque Garcia, 62-anyos, may asawa kag residente sang Tboli, South Cotabato kag kasamtangan nga nagatinir sa iya nga bata sa Prk Pag-asa, Brgy Magsaysay sa nasambit nga banwa.
Bangud suno sa kahadlok sini nga mabutang sa ital-ital ang iya nga kabuhi boluntaryo ini nga nagsungka sa Polomolok PNP.
Ini suno pa ang iya nga ginhimo kasunod sang nangin mandato ni Pres Duterte nga magsungka na ang tanan nga mga nahilway bangud sa GCTA Law.
Ginpahayag ni Duadua nga nagserbi na sang 33 ka tuig si Garcia sa kaso nga rape si Garcia sadtong May 9, 1990 kag nahilway naman sang Abril 5, 2017.
Bangud tuig 2017 ini ginhilway, sakop ini sang covered period humalin 2014 tubtob 2019 nga ginaparecall kag ginapasungka sang presidente bangud sa GCTA.
Sa karon yara na ini sa kustodiya sang Polomolok PNP kag natalana nga iturnover sa Iwahig Penal Colony sa Palawan kag tigayon nga makabalik sa Bureau of Corrections.
