KORONADAL CITY – Nagdako pa ang numero sang rape cases sa probinsya sang Cotabato sa una kag ikaduha nga quarter sang tuig 2019.
Ini ang ginkumpirmar ni Cotabato police provincial director Colonel Maximo Layugan.
Naglab-ot sa 12 ka kaso sang pagpanglugos ang gintaas kun ikumparar sa datus sang nakaligad nga tuig sa pareho nga panahon.
Ginpaklaro naman ni Layugan nga ang pagsaka sang numero sang kaso sang pagpanglugos ang bangud sa salig sang pumuluyo sa PNP nga ipalab-ot ang insidente.
May mga pagpanglugos nga madugay na nga natabo kag subong lamang ginsugid sang mga biktima sa mga otoridad.
Nagpanawagan naman si Layugan sa pumuluyo nga kun mabiktima sang pagpanglugos indi mahuya kag mahadlok nga ireklamo sa mga otoridad agud madakpan ang mga suspek.
