Naaresto sang kapulisan ang isa sa ginakabig nga rank 9 regional most wanted person nga may kaso nga pagpanglugos sa operasyon sang mga otoridad sa Purok PC Barracks, Brgy. Kalawag 2, Isulan, Sultan Kudarat.
Ginkilala ni Police Lieutenant Colonel Julius Malcontento, hepe sang Isulan Municipal Police Station, ang naaresto nga suspek nga si alyas “Boboy”, 25-anyos, manug-gunting kag residente sang nasambit nga barangay.
Suno kay PLtCol Malcontento, naaresto ang suspek sang gintingob nga pwersa sang Isulan MPS, Sultan Kudarat Highway Patrol Team, Sultan Kudarat-CIDG, Sultan Kudarat Provincial Intelligence Unit kag 1st Sultan Kudarat PMFC paagi sa warrant of arrest sa kaso nga Rape nga wala sang ginrekomendar nga piyansa.
Sa karon, padayon ang panawagan sang mga otoridad sa sin-u-man nga mangin masinulundon sa layi agud indi mapahamtangan sang penalidad.
