Arestado ang isa ka rank 8 Regional Most Wanted matapos nga ginserbe sang kapulisan ang arrest warrant sa Purok 2, Brgy. Salat, President Roxas, Cotabato.
Ginkilala ni Police Major Jun Jinete Napat, hepe sang President Roxas Municipal Police Station ang suspek nga si alyas “Roger”, 63 anyos, may asawa, mangunguma kag residente sang Purok 3, Brgy. Pintad, Kabacan, Cotabato.
Suno kay PMaj. Napat, alas-12:30 sang hapon sang maaresto ang suspek sang gintingob pwersa sang President Roxas MPS, 1203rd Mobile Company RMFB 12, Regional Intelligence Division 12, Regional Special Operation Group 12 kag Provincial Intelligence Unit-Cotabato Provincial Police Office, sandig sa warrant of arrest para sa kaso nga double murder with double attempted murder.
Sa karon yara na sa kustodiya sang kapulisan ang suspek kag ginahulat ang commitment order sini.
