KORONADAL CITY – Ginbawian sang kabuhi ang isa ka raliyista samtang yara sa atubang sang Deped Region 12 agud nga ipanawagan ang permit to operate sang buluthuan sang mga Lumad.
Sa interbyu sang Bombo Radyo Koronadal kay Leah Sera, Spokesperson sang MISFI Academy ginkilala ang biktima kay Pakingan Gantangan, 54-anyos kag residente sang Kalamansig Sultan Kudarat.
Suno kay Sera, ginatake suno pa sang high blood ang biktima bangud sa tuman ka init sang panahon, kun sa diin halos 20 na sila ka adlaw nga yara sa atubang sang ahensya agud nga ipanawagan sa regional director nga makaoperate na ang eskwelahan para sa mga Lumad.
Dugang pa sini, nga apisar may yara suno pa sang ginabatyag na ang biktima sang nakaligad nga inadlaw, wala suno pa naghuyang agud nga ipa-kigbato ang edukasyon sang mga Lumad sa iya komunidad kag tribu.
Nagalaum man ini nga sa kasubong nga hitabo, tigayon na nga makonsensya ang ahesya nga tugutan na makaoperate ang ila sini ginasinggitan.
Sa karon, wala pa sang desisyon ang pamilya kag tuman ang ila sini pagpangusubo bangud kinahanglan suno pa nga may madula sa tunga sang ila sini pagpakigbato para sa edukasyon sang mga kabataan nga Lumad.
