KORONADAL CITY- Apektado sa karon ang mga Overses Filipino Workers ukon OFWs sa Hong Kong bangud sa nagapadayon nga hublag protesta.
Sa report ni Bombo International Correspondent Lowella Ardina, taga-Cavite kag halos 4 na ka tuig nga Domestic Helper sa Hong Kong, ginpahayag sini nga ginakulbaan na sila nga mga OFW bangud sa nagalala nga mga sitwasyon sa nasambit nga lugar.
Suno kay Ardina, apisar nga ginakulbaan ang mga ini makabig sa gihapon nga luwas ang mga OFW sa lugar bangud wala naman ang mga ini nagapartisipar sa hublag protesta kag indi man suno pa sila Chinese Nationals.
Samtang, hugot naman suno pa nga ginadumilian ang pagsuksok sang itom nga panapton kag mangin man ang pagban sa pag-usar sang mask.
Kun sino man suno pa ang nagasuksok sini ang gilayon nga gina-arestar sang mga kapulisan.
Sa karon, paralisado suno pa ang rail system sa Hong Kong bangud ginguba sang mga akig nga mga protesters ang mga estasyon sang tren.
Wala man ginpalampas sang mga ini ang pagguba sa mga ATM Machines..
