KORONADAL CITY- Gina-istoryahan sa karun ang ginhimo nga wedding proposal sang isa ka Radioman sa nobya nga medic samtang yara sa operasyon batuk sa mga rebelde nga NPA sa Sultan Kudarat.
Sa ginpalab-ot nga impormasyon sa Bombo Radyo Koronadal ni Lt. Col Harold Cabunoc, commanding officer sang 33rd IB Philippine Army, nagluntad ang wedding proposal ni Cpl. Denemar Albani, 27 anyos halin sa Zamboanga sa nobya sini nga so Pvt. Christine Porcadilla samtang nagapahuway sila sa patrol base sa tunga sang kagulangan sa Bagumbayan.
Suno kay Cabunoc, tuman ang kalipay ni Porcadilla kag gilayon nga ginbaton ang proposal sang iya nga nobyo.
Todo suporta man ang kasubong nga mga suldado sang magbnobyohanay nga mga myembro sang Special Reaction Platoon sang 33rd IB (Makabayan) Battalion.
Nahibaluan nga ang 2 ang nakig engkwentro naman sa mga BIFF, NPA kag Drug sydicates.
Gilayon naman nga gin aprubahan ni Lt. Col. Cabunoc ang permit to marry sang 2 bangud sa pasado sila sa tanan nga mga requirement sang Philippine Army para sa mga suldado nga naga-asawa.
