KORONADAL CITY – Ginkalipay kag ginpasalamat sang kampo ni Koronadal Mayor Eliordo Ogena ang pagbasura sang RTC Branch 42 sa Quo Warranto Petition nga ginsang-at sa iya.
Suno kay Atty. Mark Galvan, ang legal counsel ni Mayor Ogena nga isa ka elective post ang gindalaganan sang alkalde kag base suno pa sa omnibus election code, ang may hurisdiksyon sang kaso amo ang Commission on Elections kag indi ang nasambit nga korte rason nga ginbasura ang nasambit nga petisyon.
Dugang pa sini, apesar ginbasura ang nasambit nga petisyon, mahimo ini sa gihapon nga makahimo sang remedyo ang pihak nga bahin kag nakapreparar sila nga atubangon ini.
Samtang, nanindugan naman ang kampo ni Vice Mayor Peter Miguel nga magapadayon sila sa paghimo sang tikang sa nangin desisyon sang korte.
Madumdoman nga ginsang-at sang bise alkalde ang nasambit nga petisyon nga nagakuwestyon kay Ogena bilang alkalde bangud sa morality issues.
