Nagdesisyon ang Commission on Elections En banc nga tugtan si Pastor Apollo Quiboloy, lider sang Kingdom of Jesus Christ, nga magdalagan sa 2025 midterm elections.
Ginbasura sang poll body ang motion for reconsideration nga nagapanawagan nga i-disqualify ang kontrobersyal nga pastor sa pagdalagan sa eleksyon.
Ang nasambit nga apela gin-file sang senatorial aspirant kag Workers and Peasants’ Party’s Sonny Matula.
Suno sa resolution nga ginpaguwa sang Comelec En Banc, hindi matibay ang basehan sang petisyon batok kay Quiboloy nga magalapas sa bisan ano nga laye sa eleksyon.
Una na nga nagpahayag si Matula sa ila apela nga ginabastos ni Quiboloy ang electoral process paagi sa pagkandidato sini.
Gin-question man ni Matula ang komisyon bangud sa pagsugot sini nga magdalagan si Quiboloy samtang ginbasura naman sang poll body ang COC ni Sultan Subair Guinthium Mustapha nga kilala nga Muslim leader kag gin-deklarar nila nga nuisance candidate.
Si Quiboloy naga-atubang sa madamo nga kaso nga may kalabutan sa child and sexual abuse kag qualified human trafficking.
kag Sa karon, nakakulong siya sa Pasig City Jail.
