KORONADAL CITY – Nagpatawag sang question hour ang Sangguniang Panlungsod sang Koronadal angot sa isyu sang kwestyunable suno pa nga hilikuton sang FEDERAL TODA nga asosasyon sang mga traysikel drivers nga nagapanghatag sang sticker sang Bagong Koronadal sa mga colorum drivers sa China town.
Ang tinutuyo sini nga awhagon ang mga colorum nga magkuha sang stickers sa ila nga may yara sang nakapagkit nga pangalan sang Department of Labor and Employment ukon DOLE kag Bagong Koronadal City administration.
Kabaylo sang stickers amuh ang P30 nga sukot agud maka avail dire.
Ang kondisyon kun makakuha na sang sticker indi pagdapon ang colorum sa sulod san 100 days.
Kaangot sini, ginkwestyon ni Councilor Edwin Abris ang personalidad sang FEDERAL TODA kag kun tama bala kag lehitimo ang ila ginahimo.
Kaangot sini, nagpanawagan naman ang mga lehitimo nga operator kag drayber sa siyudad nga may mga franchise nga dapat tapnaon na ang hilikuton nga ini sang mga colurom nga drayber sa siyudad.
