KORONADAL CITY– Todo na ang preparasyon sang Qatari Government sa pungsod Qatar sa igapatigayon nga FIFA World Cup sa palaabuton nga bulan sang Nobyembre tubtub sa bulan sang Disyembre.
Ini ang nangin pahayag ni Ms. Kim Peliño, Bombo International Correspondent sa Qatar nga tumandok sang Bo.7, Koronadal City sa interview sang Bombo Radyo Koronadal.
Suno sa iya, pila man ka tuig ang preparasyon sang host country nga Qatar sa FIFA World Cup sa diin may pila na man ka mga tulay kag mga alagyan ang kasamtangan nga gina reconstruct para mangin manami ang mga ini sa tion sang pagpadulong sang mga delegasyon.
Magluwas pa diri, may pila man ka mga re-routing plans na ang Qatari Gov’t para mahagan-hagan ang trapiko sa sulod sang pila ka semana nga hampang.
Dugang pa sini, halos naga kaubusan naman sang tickets online bangud sa tuman ka damo ang luyag nga makasaksi sang mga teams nga maga atubangay sa field.
May pila mga ka mga government offices ang maga patigayon sang work from home sa tion nga mag-umpisa na nga kompetisyon.
Aminado man ini nga mangin sila man ang tuman na ka excited sa nasambit nga hampang.
