Nagpanawagan ang kasamtangan nga Purok Kagawad sang Purok Matulungin sa Brgy. Zone 3, para sa husto, klaro, kag patas nga eleksyon.
Sa exclusive interview sang Bombo Radyo Koronadal kay Maricel Polo, ginpahayag niya nga baton niya bisan ano ang resulta basta limpyo kag patas ang proseso.
Suno kay Polo, nagpasang-at siya sang petisyon para sa re-election agud matalakay kun may nalapas nga guidelines ang incumbent nga purok chairwoman nga si Cherry Granada, nga nakita malapit sa voting poll sang tion sang eleksyon.
Ginpabutyag niya nga wala dapat ikahadlok si Granada sa re-election kon wala man siya sang ginatago ukon nalapasan nga rules.
Gani, gin-awhag ni Polo ang mga pumuluyo sang Purok Matulungin nga tan-awon kag balansehon ang husto kag sala kag siguruhon nga magapadayon ang patas kag limpyo nga eleksyon.
