Nagakaangay suno pa nga may ara sang self-sufficiency ang Pilipinas sa baylo nga magpadayon nga tugutan ang iban nga mga kapungsuran nga mag import sang ila nga bugas diri sa pungsod.
Ini ang nangin pahayag ni Atty. RJ Sustiguer, Vice President of Chamber of Commerce sang South Cotabato sa interbyu sang Bombo Radyo Koronadal.
Suno sa iya, maayo man nga may ara sang importation sang Pilipinas apang naga kaangay gid nga suportahan sang gobyerno ang mga mangunguma nga mga Pilipino agud nga magsangkad ang ani sang mga ini kag mahatagan sang bastante nga pagkaun ang Pilipinas.
Dugang pa sini, isa ka “short term” ukon Band-aid solution lamang ang importation sang pungsod kag maapektuhan pa sini ang delivery sang bugas sa tion nga may mga panghitabo nga magluntad sa isa ka lugar sa luwas.
Nahibaluan nga suno sa Bureau of Plant Industry, ang Thailand kag Vietnam ang nagapanguna nga sources sang imported rice sa Pilipinas subong nga tuig.
2.33 million metric tons na ang na-import nga bugas subong nga tuig nga 4.46 percent halin sa Thailand kag 89.85 percent halin sa Vietnam.
