KORONADAL CITY – Nagapanawagan ang Koronadal City Health Office sa mga pumuluyo nga mangin responsable suno pa ilabi na kun nakaangkon sang travel history sa mga apektado nga lugar nga may COVID 19.
Ini makaligad makabaton sang pila ka mensahe o text messages si City Health Officer Editho Vego nga madamo suno pa ang galibot libot sa pila ka establisyemento sa syudad nga may yara sang travel history.
Nahibaluan nga sa subong may 273 na ka kaso sang PUM sa siyudad, 246 diri ang nagapaidalom sa quarantine samtang 27 na ang nakatapos sang 14 days quarantine kag isa ang PUI nga admitted subong sa is aka balay-bululngan.
Ginpaathag sang opisyal nga apisar wala man sang sintomas nga nabatyagan kihinanglan gyapon siguruhon sang mga indibidwal nga may travel history ang ila kahimtangan mangin man sa pila ka residente agud indi na magsaka ang numero sang kaso sa pungsod..
Suno pa nga isa lamang ini ka precautionary measures kag indi pagpanghadlok.
Sa pihak sini, ginlaygayan man sini ang mga ginikanan sang mga estudyante o delegado sang NSPC nga i-disinfect ang mga gamit sang ila kabataan kag ibulad suno pa sa initan agud masiguro nga mapatay ang virus kun may ayara man.
Dugang pa sini, nga magpabilin suno pa nga kalmado kag indi gid lamang magpanic buying.
