KORONADAL CITY – Nagapadayon ang imbestigasyon sang Koronadal City PNP sa natabo nga pagpasigabong sang granada sa puluy-an sang isa ka empleyado sang Department of Social Welfare and Development (DSWD)12.
Suno sa Koronadal City PNP, target sang pagpasigabong ang puluy-an ni Ronald Saligpun Daria, 40 anyos, single, social marketing officer sang DSWD 12 pasado alas 11 sang gab-i.
Suno kay Daria nagakatulog na ini sang hinali na lamang siya nga ginkibot sang mabakog nga pagsigabong sa guwa sang iya nga puluy-an nga sa pagpati sini palupok lamang.
Apang, nakibot suno pa oini sang nakita nga wasak ang bintana sang iya balay matapod palukpan sang granada sang wala pa matumod nga suspek suspek.
Posible naman nga may kahilabtanan sa iya nga trabaho ukon personal grudge ang rason sang pagpasigabong sang granada.
