KORONADAL CITY – Padayon nga ginapangita subong sang mga otoridad ang isa ka mayoral candidate sa Datu Montawal, Maguindanao matapos nga mangin positibo sa droga, nagkalain-lain nga sahi sang armas luthang, bala kag explosibo ang puluy-an sini.
Ini makaligad nga gin-raid sang gintingob nga pwersa sang CIDG ARMM, Provincial Mobile Force Company kag Datu Montawal PNP ang puluy-an ni Samir Mangadad Beda sa barangay Pagagawan agud nga iserbe ang search warrant sa paglapas sa R.A. 10591 ukon Comprehensive Law on Firearms & Ammunition kag Violation of R.A. 9516 ukon Illegal Possession of Explosive.
APang, suno kay CIDG Provincial Field Unit Commander, Chief Inspector Esmael Madin, napaslawan sila nga maabtan sa ila nga puluy-an sini si Beda matapos magpalagyo snag makatimbre nga magaabot na ang raiding team.
Apang, gindayon sa gihapon sang mga otoridad ang pagsalakay sa presensya sang iya nga kapamilya kag barangay officials.
Nakuha sang mga operatiba sa kwarto sini ang isa ka unit sang X9 shooter 9MM, duha ka hand grenade, tatlo ka M16 short magazine, isa ka 9mm magazine, siyam ka mga bala sang M16 rifle, apat ka mga bala sang 9MM pistol, duha ka grenade launcher, isa ka 60MM mortar kag lima ka pakete sang ginapatihan nga shabu.
Nahibaluan nga isa sa mga ginatudlo nga narco-politician si Beda sa Mindanao.
