KORONADAL CITY- Mas ginpahugtan pa ang seguridad sa bug-os nga syudad sang Cotabato makaligad ang panibag-o nga insidente sang pagpasigabong sa nasambit nga syudad kadungan sang Bangsamoro Organic Law Plebiscite subong nga adlaw.
Sa ekslusibo nga interbyu sang Bombo Radyo Koronadal kay Mr. Anecito Rasalan, executive secretary ni Cotabato City Mayor Cynthia Guiani Sayadi, puluy-an sang utod sini nga hukom nga si Judge Angelito Rasalan sa Mother Barangay Rosary Heights, Cotabato City ang ginpasigabungan sang 2 ka granada.
Suno kay Rasalan, ginpasigabungan ang likod kag atubang nga bahin sang puluy-an sang iya nga utod kun sa diin maswerte nga wala sang napatay ukon napilasan bangud tanan ang yara sa sulod sang puluy-an.
Pinakamalapit nga posibilidad nga ginalantaw sa pagpasigabong sang granada amuh ang pangin vocal sang mga Rasalan sa indi pagsuporta sa BOL kun sa diin pila ka death threats naman kag harassment ang ila nabaton kag isa man ang anggulo nga may kaangtanan sa trabaho bilang isa ka hukom.
