KORONADAL CITY- Nakabatak sa karun ang alerto sa banwa sang Lambayong, probinsya sang Sultan Kudarat makaligad ang nagluntad nga pagpasigabong sang granada sa puluy-an sang alkalde sa nasambit nga banwa.
Sa impormasyon halin sa Lambayong PNP ginpasigabungan sang granada ang puluy-an ni Lambayong, Sultan Kudarat mayor Ramon Abalos sa Brgy. Poblacion kun sa diin natumod nga 2 ka persona suno pa ang suspek sa nasambit nga pagpasigabong apang gilayon nga nakapalagyo padulong sa direksyon sang Brgy. Tinumigues sa nasambit nga banwa.
Maswerte naman nga nakaluwas ang pila ka mga pulis nga nakabantay sa puluy-an sang alkalde apang nagtuga ini sang pagkaalarma ilani na nga ini na ang ikaduha ka bes nga ginpasigabungan ang puluy-an sang nasambit nga opisyal kun sa diin sang nakaligad nga bulan sang hulyo, pilason ang utod sang alkalde nga si Carlos Abalos, mangin ang pakaisa sini nga si Richard Abalos.
Gina-angot naman ang pagpasigabong bangud suno pa asud-asod nga mga napagkit nga pinatyanay sa lugar kun sa diin kadamuan sa mga biktima ang mga moro.
Sa karun ginahibalo pa kun ano nga sahi sang granada ang ginpasigabong sa nasambit nga lugar kag kun sin-o ukon ano nga grupo ang yara sa likod sang pagpasigabong.
