KORONADAL CITY- Ginkaon sang kalayo ang 1 ka puluy-an kag boarding house sa syudad sang Koronadal makaligad nmag ibwal ang sunog sa tunga sang eleksyon sa Prk. Magsaysay Brgy. GPS Koronadal City.
Ang nasambit nga puluy-an ang ginapanag-iyahan suno pa sang pamilya Corpuz samtang ginahibalo pa ang tag-iya sang boarding house nga nasunog kagaina alas 8 sang aga.
Sa interbyu sang Bombo Radyo Koronadal kay Romenia Diaz, nagdugayan pa bag-o makaresponder ang fire truck sang BFP Koronadal.
Nahibaluan nga halos wala sang tawo sa lugar sang magluntad ang sunog bangud masako ang mga ini sa pagpadulong sa mga buluthuan agud magboto.
Samtang suno naman kay Ivy Hibala, 48 anyos isa sa mga boarders wala suno pa ini sang may nasalbar nga gami kun sa diin nagpanawagan naman ini sang bulig bangud wala sang madayunan.
Sa karun ginahibalo pa ang kabug-usan nga damyos nga ginbilin sang nasambit nga sunog.
