KORONADAL CITY – Yara na sa kustodiya sang mga otoridad ang isa ka padre de pamilya nga nagahupot sang illegal nga mga armas matapos nga maaresto sang ginsalakay sang mga otoridad ang panimalay sini sa Barangay, Guiling, Alamada, Cotabato, nito lamang.
Ginkilala ni Police Major Dennis Yuson Jr., Hepe sang Alamada Municipal Police Station, ang suspek nga si alias “Buloy”, 57-anyos, may asawa, kag residente sang nasabing lugar.
Paagi sa isa ka search warrant, ginsalakay sang pinagsanib na pwersa ng Alamada MPS, 2nd Cotabato Provincial Mobile Force Company, 1203rd Maneuver Company RMFB 12, Regional Intelligence Division 12, Regional Special Operations Group 12, kag PNP SAF ang puluy-an sang suspek.
Suno kay PMaj Yuson Jr., sa ila ginpatigayon nga raid nakumpiska sas sulod mismo sang panimalay ni Buloy ang duha ka yunit sang Cal. 45 nga armas nga mau kalakip nga mga magazine kag mga bala.
Magapangatubang naman sa kaso nga paglapas sa RA 10591 (Comprehensive Firearms and Ammunitions Regulation Act) ang suspek.
Kaangot sini, ginaawhag naman sang kapulisan ang
publiko nga magbulig sa ila para mapunggan ang paglapta sang illegal nga mga armas.
