Puluy-an sang high value individual, ginsalakay sang kapulisan, illegal nga droga, nakumpiska

Arestado sang kapulisan sang Carmen Municipal Police Station ang isa ka high value individual matapos makuhanan sang illegal nga droga sa mismo puluy-an sini sa Brgy. Poblacion, Carmen, Cotabato.

Suno sa Carmen PNP, ginsalakay sang mga operatiba ang puluy-an sang suspek nga si alyas “Mark” paagi sa search warrant kun diin narekober sang mga ini ang tatlo ka plastic sachet nga may unod nga shabu kag mga drug paraphernalia.

Bangud sa nakumpiskar sa suspek, magapangatubang ini sang kaso nga paglapas sa Comprehensive Dangerous Drugs Act of 2002.