KORONADAL CITY – Gilayon nga ginlubong suno sa Islamic tradition ang isa ka opisyal sang Barangay Affairs Unit ng provincial government sang South Cotabato matapos nga mapatay sa ginpatigayon nga operasyon sang mga otoridad.
Ginkilala ni Police Major Joseph Forro III, chief police sang Banga PNP ang suspek nga si Allan Abdulah, anay Barangay Kagawad kag residente sang Barangay Lamba, Banga, South Cotabato.
Suno kay Forro, nagbato si Abdullah kag una nga nagpalupok sa operating team sang ginsulod ang puluy-an sini dala ang search warrant rason nga nagbayluhanay sang lupok nga nagresulta sa pagkapatay sini.
Nakuha sa posisyon sang suspek ang duha ka armas luthang, tatlo ka gramo sang ginapatihan nga shabu kag ang red plate nga salakyan nga ginapanag-iyahan sang provincial government.
Nahibaluan nga yara sa target list sang PDEA-12 si Abdullah kag madugay na nga ginaangot sa illegal nga droga.
