-- ADVERTISEMENT --
KORONADAL CITY – Naguba ang panimalay sang isa ka pamilya sa Purok Sampaguita, Barangay Masiag, Bagumbayan, Sultan Kudarat matapos nga natiphag ang duta nga nahamtangan sini.
Sa mga laragway nga ginpost ni Konsehal Hern Galve, naguba ang portion sang puluy-an sang pamilya Magluyan bangud sa dalagko nga tension crack bangud sa pagbuho sang mabaskog nga ulan sa sulod na sang duha ka adlaw.
Sa karon, nagapadayon pa ang assessment sang Barangay Disaster Risk Reduction and Management Council (BDRRMC) sa kadakuon sang damyos sang puluy-an sang nasambit nga pamilya.
Ipaidalom naman sa assessment kun luwas pa ini nga istaran sang nagapanag-iya sini.
Nahibaluan nga nahamtang sa banglid ang naguba nga puluy-an.
