KORONADAL CITY – Nagapadayon ang imbestigasyon sang Bureau of Fire Protection (BFP) Tampakan sa nagluntad nga sunog sa public market sang barangay Liberty kung diin naabo ang isa ka puluy-an kag napulo ka mga stalls.
Sandig sa imbestigasyon nag-umpisa ang kalayo sa isa ka stall sa nasambit nga lugar tubob naglapta ini kag nadalahig ang iban pa lakip na ang isa ka puluy-an.
Bangud nga made of ligth materials ang mga stalls madasig nga ginlamon sang kalayo tubtob nga naabo.
Nagareklamo naman ang mga nagapanag-iya sang mga stalls bangud sa madugay suno pa nga pagresponde sang fire trucks.
Sa karon, ginahibalo pa man ang kabug-usan nga damyos sang sunog.
Nagapangayo naman sang bulig ang mga nasunugan nga pamilya kag vendors bangud wala ang mga ini sang may nasalbar sa ila mga pagkabutang.
