Nadakpan sa kaugalingon nga puluy-an ang isa ka drug suspect matapos nga makumpiskahan sang mga ilegal nga droga sa ginpatigayon nga Coplan CHAMELEON sang PNP sa Purok Islam, Brgy. Ala, Esperanza, Sultan Kudarat.
Ginkilala ni Police Major Alexander De Pedro, hepe sang Esperanza Municipal Police Station, ang naaresto nga indibidwal nga si alyas “Ali”, isa ka High Value Individual kag residente sang nasambit nga lugar.
Suno kay PMaj. De Pedro, alas- 4:20 sang hapon sang magpatigayon sang operasyon ang gintingob pwersa sang Esperanza MPS (Lead Unit), SK PIU/DEU at 2nd SKPMFC kun diin nakuha sa puluy-an sang suspek ang duha ka (2) plastic sachet sang ginapatihan nga shabu nga may apat (4) ka gramo kag nagakantidad sang Php27,200, isa ka sling bag kag lighter.
Kaso nga paglapas sa RA 9165 ukon “Comprehensive Dangerous Drugs Act of 2002” ang pagaatubangon sang naaresto nga indibidwal.
Kaangot sini, ginaawhag sang kapulisan ang publiko nga makig-ugyon sa ila agud nga mapunggan ang paglapta sang illegal nga droga kag mapabilin ang kalinong sang komunidad.
