KORONADAL CITY – Yara na sa kustodiya sang Koronadal PNP ang pulis nga suno pa nga nagpamugbug-patay sa iya nga tiayon.
Sa esklusibong nga interbyu sang Bombo Radyo Koronadal kay P/Lt.Col Joefel Siason, hepe sang Koronadal City PNP, nagsungka mismo ang suspek nga si PCpl. Edwin Jabagat sa iya nga kaupdanan.
Suno kay Siason, kun matuod nga napatay sini ang iya nga misis mahimo nga maka atubang sa kaso ang opisyal nga parricide.
Ginpasiguro naman sang otoridad ang seguridad ni Jabagat sa presohan makaligad nga nakabaton ini sang impormasyon nga pagatapungulon suno pa siya sang mga preso.
Kong madumduman, nagsakit suno pa ang ulo tub-tub sa napatay ang iya nga tiayon nga si Davy Joy bangud nga gina antos ang pagpangulata sang iya nga mister.
Sa subong, nagapadayon ang imbistigasyon sang mga kapulisan nga may kaangtanan sa matuod tuod nga kabangdanan sa pagkapatay sang iya tiayon.
