KORONADAL CITY-Naglab-ot sa masobra 500 ka indibidwal sa Brgy. Dinganen kag Brgy. Mataya Buldon, Maguindanao ang apektado sang napagkit nga pagbaha sa nasambit nga banwa.
Nahibaluan nga tuman nga problema na sang mga residente ang pag awas sang tubig halin sa mga sapa kag kanal nga nagasulod na sa ila mga puluy-an kun sa diin apektado man ang pagbyahe sang ila mga produkto sa mga kalapit nga mga banwa sa Maguindanao.
Kaangot sang napagkit nga pagbaha, isa ka pulis man ang wala nakaluwas makaligad malumos sang nagpanalasa nga tubig baha samtang padulong kun tani sa iya nga trabaho sa Maguindanao PPO.
Nahibaluan nga sakay suno pa sang iya motorsiklo si PO1 Nasser Macapantar 44 anyos kun sa diin naabtan ini sang pag-awas sang tubig sa Dinganen bridge kag nadala sang mabaskog nga current sang tubig makaligad matumba ang motor nga ginsakyan.
Pila ka oras man bag-o nakit-an ang nasambit nga pulis kun sa diin gindala pa ini sa balay bululngan apang gindeklarar nga dead on arrival.
