KORONADAL CITY– Nagapatigayon na subong sang madalom nga imbestigasyon ang South Cotabato PNP kaangot sa panibag-o na naman nga insidente sang pagpangluthang sang isa ka pulis sa banwa sang Tupi, South Cotabato.
Sa ekslusibo nga interbyu sang Bombo Radyo Koronadal kay Palian, Tupi, South Cotabato kapitan Jeffrey Agustin ginkilala ang biktima nga si PO1 Buboy Tablazon nga ginasiling nga miyembro sang PNP Regional Office 12.
Sa inisyal na imbestigasyon, pahalin sa puluy-an si PO1 Tablazon agud nga magbalik sang mga ginhulam nga mga pulungkuan apang nagpanaog ini liwat sa salakyan bangud nalipatan sini ang cellphone apang sang makapanaog na sa salakyan, ginluthang ini sang ginapatihan nga riding-in-tandem nga naka bonnet.
Nag-angkon sang igo sang bala sa ulo kag lawas ang biktima kun sa diin suno kay kapitan Agustin dead on the spot si PO1 Tablazon kag makaligad ang pagpangluthang, nagpalagyo sa wala pa mahibaluan nga direksyon ang mga suspek.
Sa karun dako naman ang mabulig sang CCTV camera nga naka install sa gwa sang puluy-an ni Tablazon para sa imbestigasyon sa nagluntad nga pagpatay sa pulis.
