-- ADVERTISEMENT --
Napatay ang isa ka pulis nga naka-assign sa Buldon, Maguindanao del Norte matapos nga maaksidente ang ila police car kagab-i, Disyembre 8, 2024 sa bahin sang Barangay Gang, Sultan Kudarat, Maguindanao del Norte.
Ginkilala sang mga otoridad, ang pulis nga napatay amo si Corporal Cairodin Rumidas.
Padayon man nga gina-obserbahan ang kahimtangan sang kaupdanan sini amo si Patrolmen Diamalodin Esmail kag Ismael Tagadaya, PCPL Baseron Aratuc kag PSSg Musa Calocop.
Nahibaluan nga halin sa RFU PRO BAR ang police car nga ginamaneho ni PCPL Aratuc sang pag-abot sa Gang, nabunggo nila ang isa ka balay kag motor.
Tuman naman ang kasubo sang mga kaupod sa trabaho, mga kakilala kag mga paryente sang biktima.
