KORONADAL CITY-Patay ang isa ka miyembro sang mga kapulisan, makaligad nga nagluntad ang isa ka pagpangluthang sa bahin sang Barangay Kauran ,Ampatuan, Maguindanao.
Ginkilala sang Ampatuan Municipal Police Station ang biktima nga si Cpl. Henry Mangaser Olindo, Jr. nga miyembro sang Municipal Police Force sa Lumbatan, Lanao del Sur kag residente sang Barangay Rosary Heights 6 in Cotabato City.
Sandig sa imbesigasyon sang mga otoridad, naga subay ang biktima sa dalan padulong sa bahin sang Esperanza, Sultan Kudarat sang hinali ini nga ginluthang wala pa makilal-an nga mga persina nga sakay sang isaka motorsiklo nga naga sunod sa iya.
Nakaangkon sang mga igo sang bala halin sa kalibre 45 nga pistola ang biktima nga amu naman ang nangin tunaan sang iya nga kamatayon. Madasig naman nga nagpalagyo ang mga suspek sa wala pa mahibaluan nga direksyon.
Narekober sa crime scene ang mga fired-cartriges sang calibre 45 nga pistola nga gin usar sang mga suspek. Naga padayon naman sa subong ang imbestigasyon sang mga otoridad sa nagluntad nga krimen.
