KORONADAL CITY – Magapangatubang sang kaso ang isa ka pulis nga ginatudlo responsable sa pagsumbag kag pagpalupok sa isa ka drug suspect suspek sa nagluntad nga kinagamo sa Brgy. Zone I, Koronadal City kun diin nagresponder ini nga wala naka-uniporme.
Sa eksklusibo nga interbyu sang Bombo Radyo Koronadal kay South cotabato Provincial Director Pol. Col. Jemuel Siason, apesar wala anay ginpangalanan ang nasambit nga pulis, ginpahayag sini nga magaagi sa sa ‘due process’ ang imbestigasyon.
Padayon suno pa nila nga ginahibalo ang mga testimonya sang mga testigo bangud may yara sang 15 ka adlaw para sa ginapatigayon nga imbestigasyon antes magpaguwa sang desisyon kun may yara sang circumstancial evidence.
Dugang sini, sa tion nga mapamatud-an nga may ginbayolar ang nasambit nga otoridad, posible nga magapangatubang ini sang kaso nga administratibo ukon mas mabigat pa kasubong sang kriminal.
Nahibaluan nga makaligad nga ginbuligan tapungol sang mga kaupod sang nasambit nga police asset ang suspek, ginluthang pa ini apesar nakaposas na kag nagdalagan sa isa ka pribado nga ospital.
Sandig sa reklamo sang pamilya sang suspek, apisar yara suno pa sa hospital, padayon nga ginasumbag sang mga kaupod sang nasambit nga pulis ang suspek.
Sa subong gindis-armahan kag na-relieve na sa iya pwesto ang pulis samtang nagapadayon ang nga imbestigasyon.
