KORONADAL CITY – Yara na sa maayo nga kahimtangan ang isa ka pulis nga napilasan sa nagluntad nga pagpangluthang sa quarantine checkpoint sa bahin sang Prk. Malipayon, Brgy. Poblacion, Esperanza, Sultan Kudarat makaligad ginluthang sang mga suspetsado nga nakasakay sa motorsiklo.
Ini makaligad nakaangkon sang igo sa wala nga kamot si PSSgt. Chato Maycong, 36 anyos sang nagbalos ini sang lupok batok sa mga suspek.
Samtang suno sa iya magulang nga si Yolanda, isa ka dedikado nga pulis ang iya nga utod sa iya nga responsibilidad.
Nagapanawagan naman ini kay Pangulong Rodrigo Duterte nga kuntani dugangan ang pwersa sang kapulisan ukon mga armas sa ila lugar labi na nga medyo mataas ang crime rate sa ila ginkahamtangan.
Handom man sini nga mapanabat ang mga responsable nga nagluthang sa iya utod kag mahatagan man sang hustisya ang pagkapatay sang iya upod nga si PEMS Arnold Paclibar sa nasambit nga insidente.
Nahibaloan nga isa ka nurse anay si PSSgt. Maycong antes nagdesisyon nga mangin isa ka pulis.
Sa pihak nga bahin, nakabutang subong sa half-mast ang Esperanza PNP kasunod sang nagluntad nga pagpangluthang.
