Maayo na lamang nakalikaw kag wala mabungguan sang isa ka Isuzu Van truck ang isa ka on-duty nga pulis sa PNP checkpoint sang Regional Mobile Force Company (RMFB) 12 sa national higway,Barangay Concepcion Koronadal City matapos nga salakayon ini sang nasambit nga salakyan alas-3:10 Domingo sang kaagahon.
Ini ang ginpahayag ni Patrolman Leo Mejada, Jr. sa interview sang Bombo Radyo Koronadal.
Suno kay Mejada, nakita nya man suno pa nga nagapadulong ang truck kun diin nagsignal pa siya agud mapauntat ini apang nakibot na lamang siya nga nagdiri-diritso kag ginsalakay ang ila nga tent.
Didto kag nahibaluan nga natulugan ang driver sang truck rason nga nasalakay sini ang ckeckpoint.
Ginkilala ang driver sang truck nga si Jovell Villota, 30 anyos kag residente sang Agdao, Davao City.
Nagikan suno pa ang truck sa banwa sang Tupi padulong sa siyudad sang Koronadal sang pag-abot sa lugar natulugan ang driver gani nasalakay sini ang PNP checkpoint.
Bangud sa kabaskog sang impact sang pagkabunggo sang truck, nawasak ang checkpoint tent kag singnage.
Gilayon naman nga gin-turn-over sa City traffic section ang driver sang truck.
Pahanumdon naman sang pulis sa mga driver kag motorista nga kun natuyo ukon nakapoy sa pagbiyahw magpundo gid anay agud makapalayo sa disgrasya.
