KORONADAL CITY – Yara na sa kustodiya sang Criminal Investigation and Detection Group in the Bangsamoro Autonomous Region in Muslim Mindanao (CIDG-BARMM) sa PC Hill, Cotabato City ang pulis nga isa sa 80 ka at large nga suspek sa Maguindanao masaker makaligad boluntaryo nga nagsungka sa mga otoridad.
Ini ang ang ginkumpirmar ni Police Colonel James Gulmatico sa interbyu sang Bombo Radyo Koronadal.
Suno kay Gulmatico, personal nga nakig-angot sa iya ang pamilya ni PO1 Ysmael Baraguir para magsungka makaligad ang 10 ka tuig nga nagapanago sa kasuguan.
Makaligad suno pa ang promulgation of judgement sang Maguindanao Masaker kay nahatagan sang paglaum ang pulis nga maabswelto sa kaso makaligad man nahilway ang iban pa nga mga pulis nga nalamita sa nasambit nga masaker.
Ginpadulungan sang operatiba sang CIDG si Baraguir sa Barangay Linandangan, Pagalungan, Maguindanao.
Madumduman nga ang suspek kay nagapangatubang sang 56 ka counts of murder.
Una na diri, duha ka mga suspek na ang naarestar sang Taskforce nga ginapangunahan sang CIDG-BARMM nga nagatutok sa pagdakop sa mga at large nga suspek sang Maguindanao masaker.
