KORONADAL CITY – Naghingyo sang mas madalom nga imbestigasyon ang pulis nga amay sang isa sa tatlo ka napatay nga sulterito sang kapulisan sa isa ka law enforcement operation sa Lambayong, Sultan Kudarat.
Luyag ni Patrolman Horton Ansa Sr sang PNP Shariff Saydona Mustapha, Maguindanao del Sur, amay sang napatay nga si Horton Ansa Jr, nga maimbestigaran ni PRO-12 Regional Director Brig. Gen. Jimili Macaraeg at PNP Director Gen. Rodolfo Azurin ang natabo.
Suno pa kay Patrolman Ansa, indi mapatihan ang pahayag sang PNP Lambayong nga may armas ang iya bata kag nagbato ini sa kapulisan.
Masakit suno pa nga ang subang nga bata sini nga nagaeskwela man sang criminology kag luyag man mangin pulis ang napatay sang mga kasubong niya nga pulis.
Dugang pa sini, nagatuon man sang Arabic ang iya bata rason nga mabudlay patihan nga may armas ini.
Naistorya naman suno pa ni Ansa ang hep sang Lambayong PNP nga si Police Major Jenahmeel Toñacao kag indi ini magpati sa pahayag sang opisyal.
