Isa ka hubog nga pulis ang nakapatay sang iya kapwa pulis pinaagi sa pagpangluthang bangud sa ila pag-inaway sang gab-i sang Huwebes, kahapon nga adlaw sa Kidapawan City sa probinsya sang Cotabato. Base sa imbestigasyon sang Kidapawan CPS , gilayon nga nagpalagyo ang suspetsado nga si Corporal Renante Astudillo Villanueva matapos niya ginluthang sang pila ka beses si Corporal Kim Lloyd Pramisana Pedregosa rasun sang gilayon nga kamatayon. Nakainom suno pa si Villanueva sang iya ginluthang sang pila ka beses si Pedregosa gamit ang iya 9-millimeter pistol nga propiedad sang Philippine National Police. Samatang, gin bawian sang kabuhi sa isa ka hospital si Pedregosa bangod sang mga igo sang bala nga naangkon sa pagpamusil ni Villanueva. Sa karon naga padayon ang hot pursuit operation sa pagpangita sa suspetsado nga nankapalagayo agud mahibaluan pa ang motibo sa krimen kag agud manabat.
