KORONADAL CITY – Ginbawian sang kabuhi ang isa ka opisyal sang Philippine National Police (PNP) matapos nga ginluthang-patay sa bahin sang Peneza Street, Barangay Kalawag 2, Isulan, Sultan Kudarat.
Ginkilala ang biktima bilang si PEMS Geoffrey Demorito Angub, 45-anyos, nga nakatalaga sa Bagumbayan Municipal Police Station.
Suno kay PLTCOL Julius R. Malcontento, Hepe sang Pulisya sa Isulan, nagalakat ang biktima upod ang isa sa mga suspek nga si Vincent Dalanon Sr. sang kalit lang may nagpalupok sang pusil.
Ang bata ni Dalanon Sr., si Vincent Dalanon Jr. alias “BJ,” ang ginatudlo nga nagpalupok sang sunod-sunod nga mga bala sa biktima.
Madason man nga nagtakas ang mga suspek gamit ang isa ka Ford Raptor nga naga duag sang blue, apang madason man nga nag patigayon ang kapulisan sang hot pursuit operation, rason sang madason man nga pagkadako sa mag-amay sa bahin sang Polomolok, South Cotabato.
Nakuha sa mga suspek ang mga pusil kag mga bala.
Samtang, apisar nga gin dangat ang biktima sa balay-bulolngan, gindeklarar ini n ga Dead on Arrival bangud sang mga igo sang bala.
Sa subong,ang mga suspek yara na sa kustodiya sang pulisya kag gina preparar na ang kaso sang murder batok sa ila.
