KORONADAL CITY- Ginkakasan na sang PNP Bagde kag magapangatubang na sa karon sa kaso nga kriminal kag administratibo ang isa ka katapo sang pulis makaligad nga makwaab siya sang video sa brutal nga pagpangulta kag pagpahana sang service firearm sini sa iya nga karelasyon sa siyudad sang Kidapawan.
Ginkilala ang pulis nga si Corporal Louie Jay Lumancas nga naka asign sa Mapet Municiapl Police Station.
Sa interbyu sang Bombo Radyo Koronadal kay Police Lt. Col. Peter Pinalgan, hepe ng Kidapawan PNP, mismo nga si Cotabato Police Provincial Director PCOL. Harold Ramos ang nagkakas sang bagde ni Corporal Lumancas samtang yara subong sa custodial facility sang Kidapawan MPS.
Si Corporal Lumancas ang gin aresto sang mga katapos sang Kidapawan PNP makaligad nga ginreport kag nakwaan sang video nga ginkulta ang ka live-in partner sini nga ginkilala kay Shiela makaligad nga nagtambong sa isa ka birthday party sa Canapia Subdivision, Poblacion, Kidapawan City.
Dugang pa ni Pinalgan, ginpaidalom naman sa inquest proceedings si Lumancas bangud sa iya ginhimo sini.
Dako naman ang posibilidad nga madismiss sa serbisyo ang pulis bangud sa ebedinsya batok sa iya kag indi mabaton nga ginhimo niya sa iya nga karelasyon.
Nahibaluan nga anom na ka tuig sa serbisyo si Lumanacas kag kasal man ini sa iban nga babae.
Sa karon ginpasiguro sang Kidapawan PNP nga indi pagahatagan sang special treatment ang pulis kag magapangatubang ini sa layi sa iya nga ginhimo.
