KORONADAL CITY – Patay sa pagpangluthang sang mga armado nga suspek ang pugante nga BIFF member kag ginakabig nga notoryos gun for hire sa banwa sang Datu Montawal, Maguindanao.
Ginkilala ni PCI Sabri Lakibul, hepe sang Datu Montawal ang napataya nga si Guialil Mandigan Banog, kilala suno pa nga gun for hire kag tinawo ni Esmail Omar Nasser alyas Kumander Derbi sang Bangsamoro Islamic Freedom Fighters (BIFF) nga una na nga napatay sang mga otoridad.
Base sa report, ginluthang si Banog sang mga armado nga lalaki samtang nagalakat sa bahin sang Sitio Katitisan Brgy Tunggol Datu Montawal Maguindanao.
Nakaangkon sang madamo nga igo sang bala sa nagkalain-lain nga bahin sang iya lawas si Banog nga gintnaan sang iya kamatayon.
Gilayon naman nga nagpalagyo ang mga suspek matapos himuon ang krimen.
Nahibaluan nga ang napatay nga katapu sang BIFF ang nakapuga sa North Cotabato District Jail.
