KORONADAL CITY- Ginlamon sang kalayo ang halos 50% sang Koronadal City Public Market.
Sa ekslusibo nga interbyu sang Bombo Radyo Koronadal kay Koronadal City Mayor Peter Miguel katunga sang merkado publiko ang gintupok sang kalayo kun diin sa insiyal nga imbestigasyon nagsugod ang kalayo sa Dry Goods section kag short circuit ang rason kun ngaa naglapta ini sa iban pa nga stalls tubtob nagsaka sa ikaduha nga palapag sang palengke ang kalayo.
Samtang, ginakasubo naman ni Mayor Miguel ang nasambit nga hitabo kun diin ginaluman nga pagkatapos sini indi gilayon makaoperar sang maayo ang merkado publiko kag kinahanglan ang reconstruction sa mga establisiyemento.
Ginabulubanta nga indi magnubo sa P10 Milyong pesos ang damyos.
Nahibaluan nga sa nasambit nga insidente, yara sa masobra 14 ka firetrucks gikan sa mga banwa sang South Cotabato ang nagresponder antes pa tigayon nga gindeklarar nga fireout.
Sa subong wala pa sang may napagkit nga casualties sa nasambit nga insidente apang pila ka mga tag-iya sang stalls nagtinguha nga masalbar ang ila nga pwesto.
Kasamatangan naman nga ginpatigayon ang clearing operation samtang nagapadayon ang imbestigasyon sang Koronadal City fire office.
