KORONADAL CITY – Hugot nga ginakondenar sang Presidential Task Force on Media Security ang nagluntad nga pagpamahog sang miyembro sang Regional Police Drug Enforcement Unit 12 (RPDEU 12 sa reporter ng Bombo Radyo Koronadal samtang nagakuha sang detalye kag nagacover sang ginapatigayon nga drug buy bust operation sa Brgy. Carpenter Hill, Koronadal city.
Sa interbyu sang Bombo Radyo Koronadal kay USec. Jose Joel M. Sy Egco, PTFoMS Executive Director, indi suno pa ensakto ang ginhimo sang nasambit nga pulis nga hadlukon nga igaupod sa drug watchlist si Bombo Bryan Belontindos bangud sa nakuhaan sang video ang nawong sang isa ka operatiba nga wala sang facemask, wala nakauniporme kag nagapanigarilyo.
Madumduman nga ginsita sa operating team ang Bombo Reporters nga nagakuha sang video masobra 10 metros ang kalayuon halin sa crime scene kon sa diin napatay ang isa suno pa ka bigtime drug smuggler.
Apang, may iban nga media nga nauna na nga yara sa sulod sang police line nga nagakuha sang laragway bangud sa natapos na ang operasyon.
Ginpasiguro ni Egco nga pagaimbestigaran ang nagluntad kag hatagan sang tion ang pulis agud nga makapaathag sa nangin aktwasyon sini.
