KORONADAL CITY- Magatanyag sang bulig ang Provincial Government sang probinsya sa South Cotabato para sa pamilya sang mga naulamid nga taga South Cotabato sa nagluntad nga ceres bus tragedy sa Hamtic Antique.
Sa interbyu sang Bombo Radyo Koronadal kay Vice Governor Arthur Dodo Pingoy, ginpahayag sini nga sila ang preperado man sa paghatag sang bulig sa mga nasambit nga biktima.
Naghatag man ini sang pakig unong bangud tuman ka masubo ang panghilitabo nga wala naton gina ekspektar nga may yara sang taga South Cotabato ang malakip.
Una naman nga ginpahayag ni ni Gng. Leonila Baliko, tiya sang mga biktima nga taga-South Cotabato nga nalakip sa insidente sang pagkahulog sang Ceres Bus sa bahin sang pil-as Hamtic, Antique sa kung sin o man ang gusto magpaabot sang bulig sa ila.
Sa karon, nahibaluan nga nagsaka na sa 19 ang numero sang mga napatay sa Antique bus tragedy matapos ginbawian sang kabuhi ang isa pa ka pasahero samtang ginabulong sa Iloilo Mission Hospital.
