KORONADAL CITY- Nagapati ang kadamuan sa mga Overseas Filipino Workers sa pungsod Singapore nga mas papag-unon pa ang paghatag sang proteksyon para sa mga OFW’s sa nasambit nga pungsod sa pagtambong ni Pres. Rodrigo Duterte sa 33rd ASEAN-leaders summit sa nasambit nga pungsod.
Sa interbyu sang Bombo Radyo Koronadal kay Josie Castro, 33 anyos halin sa banwa sang Polomolok, South Cotabato kag isa ka DH nga mas mapaayo pa ang labor situation sang mga Pinoy.
Kaangot sini wala naman suno pa sang problema sa pagtratar sa mga OFW’s sa Singapore bangud hugot kag patas ang layi nga ginapatuman sa nasambit nga pungsod sa pagpamuno ni
PM Lee Hsien Loong.
Samtang sa pihak nga bahin kun seguridad naman ang paga-istoryahan, luwas si Pres. Duterte kag iban pa nga ASEAN leaders bangud tuman ka disiplinado ang mga pumuluyo sang Singapore kag moderno man ang ila teknolohiya nga gina-usar sa pagpatuman sa nasambit nga seguridad.
