KORONADAL CITY- Dako ang posibilidad nga may protektor ang Maute terrorist sa siyudad sang Marawi rason nga nagdamo ang mga ini sa nasambit nga siyudad kag nagpabaskog sang pwersa tubtub sa naghimo sang pagpangatake.
Posible suno pa nga isa ka lokal nga opisyal ang may koneksyon sa nasambit nga grupo rason nga nakalusot ang matag-as nga kalibre sang armas ang mga ini.
Suno kay South Cotabato Governor Daisy P. Avance Fuentes, indi dapat nga hatagan sang tsansa ang ISIS linked terrorist sa negotiation bangud sa
seryoso nga krimen nga ginhimo sang mga ini sa siyudad sang Marawi kun diin madamo may mga sibilyan ang nalamita kag suldado nga nagbuhis sang ila nga puluy-an.
Samtang, padayo naman ang pagtutok sang kapulisan sa South Cotabato sa mga lugar sa probinsiya nga may mga grupo nga possible nga maghimo sang kalakasan ukon magbulig sa mga Maute sa Marawi labi na subong nga nagapadayon ang Ramadan.
