Gin-anunsyo ni House private prosecutor Atty. Lorna Kapunan nga indi na ipresentar sang prosekusyon ang nabilin nga 15 ka witness para sa Article 1 sang impeachment trial.
Sa baylo, luyag sang prosekusyon nga ipresentar bilang witness si Vice President Sara Duterte kag ipa-subpoena ini sang impeachment court.
Sabat naman diri sang lead defense counsel nga si Atty. Shiela Sison kag ginpahayag nga klaro sa Konstitusyon kag jurisprudence ang hugot nga pagdili sa pagpwersa sa akusado nga magtestigo para sa prosekusyon.
Suno kay Sison, indi mahimo nga piliton ang akusado nga maghatag sang testimonya nga mahimo magamit batok sa iya kaugalingon.
Gindugang pa niya nga may yara sang malig-on nga constitutional kag legal nga basehan nga nagadumili sa pagpwersa sa akusado nga maghatag sang testimonya para sa prosekusyon.
