KORONADAL CITY – Nangin matawhay kahapon sang Dominggo sa siyudad sang Koronadal kun sa diin wala may nakita nga mga grupo ukon mga indibidwal nga nagpatigayon sang hublag protesta.
Ini ang nangin pahayag ni Police Captain. Ralph Marvin Francis Rivera Spokesperson sang Koronadal City PNP sa interview sang Bombo Radyo Koronadal.
Suno kay Rivera nga dako gid ang pasalamat sang Koronadal City PNP bangud nangin malinong apisar nga may mga nagluntad nga kinagamo bangud sa pag protesta partikular sa Maynila kag sa iban pa nga mga lugar sa ungsod.
Dugang pa sini, apisar nga wala sang may natabo kahapon nga adlaw nga hublag protesta sa syudad nangin preparado gihapon sila paagi sa nagkalain lain nga deployment kag iban pa nga mga preparasyon.
Tinutoyo sang mga mga awtoridad nga mabantayan ang anuman nga kalakasan ukon bayulente nga tikang sang mga grupo nga magapanabotahe.
Kadungan sini, ginapangabay ni Rivera sa nagapatogayon snag hublag protesta nga kun ano man ang mga hibubun-ot ukon panawagan angot sa isyu sang malapnagon nga Korapsyon, himoon nga mangin matawhay ang pag protesta kag lika1an nga magtuga sang kinagamo.
