KORONADAL CITY– Padayon nga gina obserbahan subong ang kahimtangan sang School Principal sa Palimbang, Sultan Kudarat makaligad nga ginluthang ini sang armado.
Sa ekskusibo nga interbyu sang Bombo Radyo Koronadal kay Palimbang MDRMM Officer Norhan Apil, ginkilala ang biktima nga si Nida Dela Cruz Pumarin, 55 anyos residente sang Brgy. Kraan Palimbang, Sultan Kudarat kag Principal sang Mamansual Abdul National High School.
Nagalantaw lamang suno pa ini sang telebisyon sa puluy-an sang kaupopd sini nga manunudlo nga ginkilala sa pangalan nga si Ali Tuanadatu sang ginsulod sang armado ang puluy-an sini kag ginpatigayon ang pagpangluthang.
Nakaangkon naman sang pilas ang biktima kag gilayon nga gindangat sa balay bululngan samtang nakaluwas naman ang kaupod sini nga manunudlo kag wala nakaangkon sang anuman nga pilas.
Sa imbestigasyon man sang Palimbang PNP,nahibaluan nga nagadayon suno pa ang principal nga si Nida sa puluy-an sang manunudlo nga si Ali kun sa diin palamangkutanon sa gihapon kun nga-a gintarget ini sang mga armado.
