KORONADAL CITY – Nagapadayon sa gihapon ang imbestigasyon sang mga otoridad sa nagluntad nga pagpangluthang sa isa ka principal sa probinsya sang North Cotabato.
Ginkilala sang Midsayap PNP ang biktima nga si Anok Satol Dagadat, 53 years old, may asawa kag principal sang Kadigasan Elementary School sa sa banwa sang Midsayap, North Cotabato.
Sa inisyal na report, nagapahuway lamang ang biktima kaina sang udto sa sulod sang iya talatapan sang ginsulod ini sang suspek kag ginluthang.
Nagtuga naman sang kahadlok sa mga manunudlo kag estudyante sang nasambit nga buluthoan ang ginhimo sa principal.
Gilayon nga nagpalagyo ang suspek sa wala nahibal-an nga direksyon makaligad ginhimo ang krimen.
Personal grudge naman ang nakit-an nga motibo sang pulisya sa pagpatay kay Dagadat.
