KORONADAL CITY- Yara na sa kustodiya sa subong sang mga otoridad makaligad nga maaresto ang prime suspect kag isa sa tatlo nga mga armado nga may kahimuan sa pagmasaker sa isa ka pamilya sa banwa sang Lebak, Sultan Kudarat nga nagbilin sang 4 nga patay kag isa ka pilason.
Ini ang gin kumperma ni PMaj. Joel Martinez, COP sang Lebak PNP sa interview sang Bombo Radyo Koronadal.
Ginkilala ang naarestar nga suspek nga si Dinder Saludin Racman, 31-anyos nga residente sang Sitio Tuka, Brgy. Datu Karon, Lebak, Sultan Kudarat.
Suno kay Martinez, nag sungka ang suspek kay Wahad Hussien, MILF CCCH kag gin turn-over sa Lebak Municipal Police Station.
Dugang pa sang opisyal bangud sa pressure sa pagbuliganay sang Lebak MPS, LGU Lebak, Philippine Army kag MILF Coordinating on the Cessation of Hostilities (CCH) nagsungka si Racaman.
Hugot naman nga gin panginwala ni Racman nga gin kaupod ini sa mga nagpatay sa mga biktima samtang naga padayon ang paglagas sa 2 pa ka mga kaupdanan sini nga nagsibat suno sakay ang ila nga mga bangka.
Madumduman nga nga 4 nga magpalamilya nga Capiceño ang napatay nga ginakalakipan sang 2 ka mag-asawa kag 2 ka apo sini kag ginkapilas naman sang isa pa.
Indi naman matumod sa subong sang mga otoridad ang motibo sang pagpangluthang bangud sa indi pag-akuon sang suspek ang krimen.
Nahibaluan nga nagluntad ang masaker sa sulod mismo sang bisinidad sang MILF 104th Base Command Community.
Kasamtangan naman nga may pending nga kaso nga Multiple Murder kag pag paglapas sa Sec. 3 par. (2) sang PD 1613 o Crime of Arson nga wala sang ginarekomendar nga piyansa sa suspek.
Samtang dalayon naman nga gin lubong subong nga adlaw ang mga biktima pinaagi sa tradisyon sang Islam.
Hugot naman nga ginasinggitan sang mga pamilya sang biktima ang hustisya para sa mga insente nga napatay.
