Nagpatuman sang price freeze ang Department of Trade and Industry (DTI) sa mga basic necessities sa mga lugar nga nagdeklara sang state of calamity bangod sa bagyong Kristine.
Suno sa DTI, ang Albay province kag Magpet Town sa Cotabato ang sa karon sakop sang nasambit nga advisory bangod sa malapad nga pagbaha kag pagtiphag sang duta sa lugar.
Ginpasiguro ni DTI Secretary Cristina Roque nga padayon ang ila pakig-angot sa Office of Civil Defense (OCD) agud magpatuman sang price freeze advisory sa mga nagakinanglan nga lugar.
Ang price freeze nga ini ang mandu sang Republic Act No. 7581 ukon ang Price Act, nga nagapa-athag nga kinanglan sini ipatuman ang gindeklara na ang state of calamity sa isa ka lugar.
Ang nasambit nga price freeze ang magamit lang sa mga basic necessities, patas sang mga de lata nga pagkaon, instant noodles, tinapay, kape kag iban pa, para sa 60 ka adlaw.
